Сэ гупшысэхэр къысфакIо. орэд

Припев:
Сэ гупшысэхэр къысфакIо,
Чэщы шIункIым сырагъэзы:
Сыгу афырзы, сыгу агъэузы,
СикIэлэгъу сыращажьэ, ащ сыкъакIо.

                ***
ТиIэгущау сыкъыдахьэ, тикъэлапчъэ кIыргъы-сыргъ,
Тихьэ цIыкIу сэ къыспэгъокIы игушIуагъу.
КIэлэ быныр щагум дэтэу быры-сыр,
Тяни, тяти агу мэчэфы, ясыхьат жъуагъу.

Сэри дахэу сахэт кIалэмэ, сэджэгу,
Тяни, тяти къытпэгушIох, ташъхьагъ итых;
Ахэм сяплъы, агъэбэгы ащ сыбгъэгу,
Сигупшысэхэм къагъэзэжьрэп сикIэлэгъу ахэр къэтых.
                ***
Припев:
Сэ гупшысэхэр къысфакIо,
Чэщы шIункIым сырагъэзы:
Сыгу афырзы, сыгу агъэузы,
СикIэлэгъу сыращажьэ, ащ сыкъакIо.

                ***
Мары тянэжъ цIыкIуи тхъуалъэм ео, унэм Iут;
Щхыоу ышIырэм, сипцI хилъхьанэу ащ селъэIу сыкIэрыт.
ЗимышIэжьэу, зыриутэкIэу, гур къытеоу ригъэжьагъ,
Лъэпэрапэу бгъэм къыдэкIи, огум кIонэу ар ежьагъ.

СичIыпIэжъхэр къэсэплъахьы, къэсэкIуахьы ащ сахэт,
Сыгу псэфыгъэ, сыгу мэчэфы зэман тхъагъу.
Джырэ уахътэм сэ сыфаеп, сикIэлэгъу сыщыIэт;
Къыздэхъугъэр: чэщы шIункIым - нэфылъагъу.

                ***
Припев:
Сэ гупшысэхэр къысфакIо,
Чэщы шIункIым сырагъэзы:
Сыгу афырзы, сыгу агъэузы,
СикIэлэгъу сыращажьэ, ащ сыкъакIо.
 
                ***
Сфэгъэзэтэп, а кIэлэгъур джы блэкIыгъ:
КъэсымышIэу ар сэ псынкIэу сIэкIэкIыгъ;
Ау жъогъо чыжьэу къысфэнэфэу ар сиIэн,
КIэлэгъу гупсэу, а блэкIыгъэм, сыхъопсэн.


Припев:
Сэ гупшысэхэр къысфакIо,
Чэщы шIункIым сырагъэзы:
Сыгу афырзы, сыгу агъэузы,
СикIэлэгъу сыращажьэ, ащ сыкъакIо.

Сэ гупшысэхэр къысфакIо,
Чэщы шIункIым сырагъэзы:
Сыгу афырзы, сыгу агъэузы,
СикIэлэгъу сыращажьэ, ащ сыкъакIо.