Мазэр къаблэ, ау ар чъыIэшъ сигъэфабэрэп,
Жъуагъор чыжьэу огум итышъ, ащ сынэсырэп.
Сэ сыкъаплъэ, усэлъэгъу, о сыплъэгъурэп,
Сыгу стыры угу чъыIэ къыкIигъанэрэп.
***
Уахътэр макIо, гугъум сехьы, сэ сизакъу,
Сыпщэгугъу, сыкъэлъэгъуи садэжь къакIу:
Тыгъэ фабэу, узгъэфабэу сыуиIэн,
Мазэм фэдэу, сыпфэшIэтэу сыбготын.
***
Угу илъыр сэ къэсшIэнышъ, къыпфэсшIэн,
ЧIым ыгъунэ уауж ситэу сыкъэкIон,
КIы фыртынэм кIэко фабэ зыпфэсшIын,
Мэфэ жъоркъым, сыуижьаоу, сыокIун.
Ары шъхьае зыкъэбгъазэу о укъаплъэрэп,
Сэ сызажэу зы гущаIи о къысапIорэп.
Сэ сыкъаплъэ, усэлъэгъу, о сыплъэгъурэп,
Сыгу стыры угу чъыIэ къыкIигъанэрэп.
***
Усэлъэгъу о сыплъэгъурэп. орэд песня
© Copyright: Анатолий Зекох, 2013
Свидетельство о публикации №113102405981
Свидетельство о публикации №113102405981
Рецензии
