Пчъэ макъэ бгъэIоу, о укъихьажьрэп,
ШIу о сыплъэгъоу сэ къысэпIожьырэп;
Гопэгъум сехьы, сIупэ гъупагъэу,
Онтэгъу сэхъу, спкъыхэр лэнлагъэу.
Къэхъугъэр сшIэрэп, укъысэплъыжьрэп,
Сыбгъэ зэIуехьэ, жьы къысфэщэжьрэп.
ЦIыфы къышIэнэп сыгу ихъыкIырэр,
О бгурыIонэп къинэу скIэхэкIырэр.
Хъотэу къысфилъэу гугъур къысфакIо,
Ощхы чэфынчъэу нэпсыр къысшIуакIо.
Бгъэм дэмызагъэу сыгу мэлъэкъуао,
Нэпкъым тефагъэ жьы щыкIэ
паргоу.
Чэщы мычъыем сыригъэзыгъэу,
Нэфыр къэшъыфэ къиным сыхэтэу,
Сшъхьэ зэкIокIыным сэ сынэсыгъэу,
Сегупшысэ, сэгугъэ къэбгъэзэжьынэу.
Къэхъугъэр сшIэрэп. орэд
© Copyright: Анатолий Зекох, 2013
Свидетельство о публикации №113102405954
Свидетельство о публикации №113102405954
Рецензии