Моей дочери Бэлле.
КIалэм къещэ, пшъашъэр дакIо,
Сыдэу игъу ар – сыхьатмаф;
Хъяр насыпыр тIум къафакIо,
ТышъуфэлъаIо: Бын гъогумаф!
КIалэм къещэ, пшъашъэр дакIо,
Джэгур жъынчэу, чэфэу макIо.
Пшъашъэр дакIо - игушIуагъу,
КIалэм къещэ - бын унагъу.
ТихьэтякIуи джэгу зэрещэ,
Пшъашъи кIали пчэгум рещэ:
Пчынэу къашъох - шхонч омакъ,
Зэпигъаджэу – пщынэ макъ.
КIалэм къещэ, пшъашъэр дакIо,
Сыдэу игъу ар сыхьатмаф;
Хъяр насыпыр тIум къафакIо,
ТышъуфэлъаIо: Бын гъогумаф!
Инэу, инэу шъубэгъонэу,
Дахэу, дахэу шъущыIэнэу,
ШъуIэ зэкIэлъэу шъупсэунэу,
Зы лIэшIэгъу зэдэжъугъэшIэнэу!
Джэгу макъ. орэд
© Copyright: Анатолий Зекох, 2013
Свидетельство о публикации №113102405880
Свидетельство о публикации №113102405880
Рецензии
