Сыфай, чIыгу хъураем
зэо-банэр текIынэу,
мамырыр тетынэу.
Сыфай сэ шIулъэгъур
гум фабэу илъынэу,
жъалымагъэр икIынэу.
Сабый щэхъу мыгъынэу-
якъин тымылъэгъоу,
яхъяр ащ тлъэгъунэу.
Бэ зэдэдгъашIэу,
шъхьэкIафэр къытфашIэу
лIэшIэгъу зэдэткIунэу.
Сыфай, тицIыфхэр,
аIэ зэкIэлъэу зэдэпсэунхэу:
зэгурыIонхэу, зэмызэонхэу.
Хэгъэгу дахэ дгъэпсынэу -
IэкIыб къэралхэм
агъэшIэгъонэу,
къытэхъопсэнхэу.
Ахэр тIэ илъых,
ахэм тафитых.
ТызэгурыжъугъаIуи
тызэдежъугъаI!
Сыфай
© Copyright: Анатолий Зекох, 2013
Свидетельство о публикации №113102106161
Свидетельство о публикации №113102106161
Рецензии
