Сыфай дэхэнэу, тихэку дэгъунэу,
Шъхьафитэу жьыр къыщытщэнэу,
Насып кIопIэнэу, хъярыр щыбэнэу,
ТицIыфхэр боу щыбэгъонэу.
***
Мамыры бзыухэр огум щыхьарзэу,
Тыгу агъэIасэу терэтых!
Пыи техакIохэр къыттемыбанэу,
Зафэу тицIыфхэр щэрэIэх!
Тыгъэри, мазэри, огум шIэтэхэу,
Ташъхьагъы нэфэу ерэтых!
Тыгу агъэфабэу, тигъогу агъэнэфэу,
Ренэу ахэр терэIэх!
КIасэу сабыйхэр, дахэу тфэгъасэу,
Iэдэб ахэлъэу тфэрэшIых!
Яхъяр тэ тлъэгъоу, ящытхъу тфалъэгъоу,
Бэрэ дунаим терэтых!
Сыфай инынэу, тихэку баинэу,
Тыгу тэ рэхьатэу тисынэу!
ТишIэ зэдатшIэу, тиIо зэдатштэу,
Мамыр зэдэIур тхэлъынэу!
Хъярэу тыщэрэI! орэд
© Copyright: Анатолий Зекох, 2013
Свидетельство о публикации №113102106062
Свидетельство о публикации №113102106062
Рецензии