ЩыIэныгъэм гъусэ сыпфишIыгъ,
Фэбэныгъэ - лIыгу тэ зэфэтшIыгъ.
Синыбджэгъу о гъашIэм къысэпIуагъ,
Сэ садэжьы бэрэ укъэкIуагъ.
Хьалыгъу бзыгъэр тIоу зэфэдгощыгъ,
Къини, хъяри титIо зэдитщыгъ.
О ускIыгъумэ псхъо чъэрым сисыкIын,
Иныжъ джадэм себэнынышъ ар искIын.
Ул къэузмэ, сыгу о пфэузын,
О учэфымэ, сыбдэгушIоу, сычэфын;
Сыпфэразэу синыбджэгъу сэ щытхъу пфэсIон,
Узыфаер къыбдэзгъэхъоу сызекIон.
*******
ПфэсымышIэн сэ щыIэп
Синыбджэгъу – пфэсымыIон,
Сыгуи, сшъхьэджи сэ сыфитэп,
Угу сэ сымыуIэн:
Мы дунаим сыпфэшъыпкъэу сытетын,
Узыфаер къыбдэзгъэхъоу сыпкъотын.
Синыбджэгъу. орэд
© Copyright: Анатолий Зекох, 2013
Свидетельство о публикации №113102105991
Свидетельство о публикации №113102105991
Рецензии
