СикIэлэгъу
Мары силъэпцIэ гъэмафэр,
Мары сигъыпIэ кIэлэгъур:
Ахэр гучэфэу щытыгъэх,
Ахэр гукIаеу блэкIыгъэх.
Зэманхэр кIогъахэх, тешIагъэу,
Сэ слъакъуи лъэпцIэжьэп бэшIагъэу.
Мыщ къэсфэ, сиIагъэр сэ гугъоу,
Чэщмычъыем къысфакIо гугъапэу.
Къэбыбых, мэхьарзэх, мэбыух,
Сыгу рахы, сичъые стырахы;
Ащ сахьы, блэкIыгъэу, бгынагъэу,
СыныбжьыкIэу сиIагъэм кIэлэгъоу.
Нэфшъагъом сыгу пагъэу, сыхьарзэу,
Осэпсуцым сэ лъапцIэу сыхэтэу,
Губгъуи, мэзи, шъофгъогуи сащэкIо:
Джащ фэдэу кIэлэгъум сэ сэкIо.
Псы шхъуантIэм сыхапкIэ сыпцIанэу,
Псы куум сыхахьэ сыкуоу.
Къэкуох пхъэшъаби, пцыелгъыри адрабгъоу,
КъэгушIох, къэбар къысфаIуатэ агу пагъэу.
Сэ сыеу лъэпцIэ зманхэу-кIэлэгъу,
Ахэр гукIаех, ахэр гушIуагъох;
Садэжьы къакIох, гугъапэу къыслъэкIох.
Iум къысшIегъуалъхьэ - сэ сигопэгъу.
© Copyright: Анатолий Зекох, 2013
Свидетельство о публикации №113102105774
Свидетельство о публикации №113102105774
Рецензии
