Баде гьинва вун
эхтияр це заз
Гьайвазахъ галаз
Куьчеда къугъваз
На гайи ктаб
Ахпа к1елда за
Рази дахьайт1а
Мад пис хъелда за
Эхь я чан бала
Вал рази я зун
Чандиз кифет я
Гьавадал юзун
Анжах вун хъша
Вахтунда к1вализ
Ацукьда чун кьвед
ктабар к1елиз
Эхь ,эхь диде чан
Зун фад хуькведа
Са сятинилай
Зун к1вале хеда
Гъвеч1и Аслана
Юзурна хьиз кьил
Фена куьчедиз
Шад хьана гуьгьуьл
Сад лагьана акъвазна
Явашарна кам
Чилелай са зат1уни
Гьейранарна ам
Кич1е хьана аялдиз
Хъуьтуьлдиз к1вач акьурла
Рагъ гуз,рекьел къатканвай
Гъвеч1и са къиб акурла
Катна,к1вализ хтана
тади кам къачуз
Гардан кьуна,Хкадарна
Дидедин хуруз
Ша фад диде захъ галаз
За къалурда ваз
Са зат1 экъисна вилер
Килигзава заз
Къипрехъай кич1е хьайи
Амукьна ам хъах хьана
Инлай кьулухъ Асланаз
Адакай са мах хьана
Диде,къипрен мах
Ахъая на мад
Ахпа шириндиз
Кусуда зун фад
27.05.2012
Аслан зин хтулдиз
© Copyright: Гулья Мисриханова, 2013
Свидетельство о публикации №113090100906
Свидетельство о публикации №113090100906
Рецензии