Жив ацукьна зин рекьерал
Хъуьт1уь вичин кар авуна
Ялгъуз я зун хъфена вун
Вуна зин рик1 т1ар авуна
Хъуьтуьл живедин лацу маргъалрик
Ксанва шегьер ял ягъун патал
Дак1ардин к1ане жуван хиялрик
Акатнава зун Вав рахун патал
На авур кар я ваз гьак1 к1ан хьанай
Зун тек ама къе,вун масад галаз?
Я зун тир бат1ул,белки вун тир гьахъ
Зун я къе пашман ,инсаф хьанач вахъ
Белки ялгъуз я вунни зун хьиз къе
Жуван тахсирар кьазва жед хиве
Зун хьиз акъвазиз дак1ардин патав
Чехирдин бакал кьазва жед гъиле
Зун хьиз дак1ардай лацу живедин
Гуьрчег ц1ерек1вриз килигзава жал
Хиялрик кваз вин ,килигайт1а зун
Накъварай вилин ац1анвай бакал
Вуч лагьайт1ани амач заз кьарай
Къужахла кьазва за вун ахварай
Мекьи я к1вале зин вун авачиз
Гьик1 яшамиш жен зун вун галачиз
ВАз гьак1 к1ан хьанай
© Copyright: Гулья Мисриханова, 2013
Свидетельство о публикации №113090101044
Свидетельство о публикации №113090101044
Рецензии