Мад атана Дагъустандиз чими гад
Ашкъи квай жегьилрин рик1ер ийиз шад
Мукьвал-мукьвал акун патал садаз-сад
Куьн к1валерин патавайт1уз фида зун
Гагь жеда зун цуквер к1ват1из чуьллера
Хиялралди вун гуьзетиз рекьера
Къизгъин хьурай муьгьуьббат чин рик1ера
А ц1елхемди вин къаншардиз гъида зун
Адет тирвал мекъерар бул я хуьре
К1ерет1 рушар демериз гьатда рекье
Гьабурун арада зунни са жуьре
Вилер валлаз са кьуьл ийиз фида зун
Хьайила вахт куьтягь жедай демерни
Агатда вун,сад жеда чин гьисерни
К1евиз кьада занни-вуна гъилерни
и легьзеди лап бахтлу ийида чун
Мад атана дагъустандиз чими гад
© Copyright: Гулья Мисриханова, 2013
Свидетельство о публикации №113090110352
Свидетельство о публикации №113090110352
Рецензии