ЛЕТНІЯ ВЕРШЫ
Больш няма нам пра што гаварыць.
Мы стаім і маўчым, анямеўшы.
Ты самоту маю забяры,
Пачытай свае летнія вершы.
Хай працягнецца стоены міг.
Загучаць прыхаваныя ноты.
Золка мне, а ў верлібрах тваіх
Столькі сонца, цяпла і пяшчоты.
Каб забыцца пра час і бяду,
Я прашу, знерваваны дарэшты:
Адагрэй маё сэрца з ільду,
Пачытай свае летнія вершы.
9 ліпеня 2013
Летнiя вершы
© Copyright: Леонид Пранчак, 2013
Свидетельство о публикации №113071101841
Свидетельство о публикации №113071101841
Рецензии
