Шa, алахъин
Гьа стIалар ракъурзава винелай.
Пашманвилин накъвар ала ви вилел,
Сувун чиг хьиз, авахьзавай синелай.
Чун къах хьана акъвазнава, килигиз-
Ашкъидин вирт аквазва хьи агъудай.
ГьикI хьанатIа, вуч хьанатIа чин тийиз,
Гаф жагъизмач и легьзеда лугьудай.
Белки зун геж аватнайтIа ахварай,
Рагъ алкIана, югъ нянихъ фидайла….
Я кьатIанач вуна атIун зи кьарай
КIанивили руьгьдиз цIверекI гъидайла…
Ваъ, азизди, акI жемир вахъ гъалатIар
Кутазва за, гьа жувалай алудиз.
Ша, алахъин ахъай хъийиз и варар,
Кьисметдивай бахтунин пай къакъудиз…
Свидетельство о публикации №113053100958