Хтанва зун ви къужахдиз,
Дарих хьана мад вахъ, Ватан!
Къахчу вуна зун къундахдиз,
Лагь лайлаяр аял чIаван…
Кьилел ала Шагьдин суван,
Булутар къе пара чIулав,
Мад яйлахар я перишан,
Атана циф, къуна битав...
Вуч пелеш я хайи тIахар,
Гьик аватIа бес булахар?
Яргъалай хьиз къвезва хьи ван,
Дагъдин вацIун акьван масан…
Сабур ая, акъатда рагъ,
КуькIуьрда чи ругьда чирагъ!
Нурарилай гуда цIар-цIар,
КукIушраллай муркари ви.
Чимивал гъуй рикIиз са чIар!
Хайи цавар акваз вилиз
Хвеши жечни гьикI лекьериз?!
Ватан кIани веледди хьиз,
Ацукьда зун вакай кхьиз!
Дарих хьанва мад вахъ, ватан
© Copyright: Билал Адилов, 2013
Свидетельство о публикации №113053000663
Свидетельство о публикации №113053000663
Рецензии