Гlолилас гьикъун буго херав магlаруласда,
Рокьул магlна лъалев, чи вугодаян?
Цо, дагьаб заманалъ вуцlухlунги чlун,
Херав магlарулас жаваб кьун буго.
Рокьи буго-эбел! Улка! Гьудуллъи!
Рокьи буго - Гlазаб! Гlакъуба! Балагь!
Щибго хlажат гьечlеб хlалуцараб гуч.
Хlакъикъат лъалареб лъалхъи гьечlеб жо.
Рокьи буго дир вас нусго батlияь,
Нусабго дурр лага батlа гьабулеб.
Рокьуца чичlвала чучун ватани,
Чорхода цlа лъола хlинкъун ватани.
Рокьи буго-Гlищкъо, гьуинлъи, дарман!
Рокьи буго-сабаб, сахлъи, хlалимлъи!
Хlал бихье дуцаго тlаса бищизе,
Цинги гьелъул магlна дудаго лъала.
magomedia.ru
Рокьи щиб кколеб?
© Copyright: Гаджияв Гаджиев, 2013
Свидетельство о публикации №113052905302
Свидетельство о публикации №113052905302
Рецензии