Рорхатал мугlрузул ботlрода лъураб,
Тlагъургlадаб росу буго Мелъельтlа
Гьенире рачlунел нухлул сверабаз,
Салам кьун данд чlвала вачlунев гьобол
Намус – яхl цlцlикlараб гlадан хирияб,
Хlалалда рекъараб халкъ буго гьениб.
Къоял лъугlун арал умумуз тараб,
Тарбия кквечlечlев чи гьечlо дир росулъ.
Гумбет районалъул тухумалда гъорлъ,
Тохаб миллат гьечlо цониги росулъ,
Нагагь къварилъи ккун цlар ахlуларо,
Цlумал гlадин хьолбохъ эхетун чlола.
Рагъуда гlуцlцlараб хъачагъазул бо,
Хъамизе ниж гурищ тlаде гlунтlарал?
Гlандадериль тlалъи тlад магlарулаз,
Тlаде къо бачlиндал рахъун цlунана.
Сабаб гьечlеб унти тохлъи батила,
Толаро нижецабагьана чlвазе.
Чlахlиязул нижер аби батана
Абураб рагlуе жаваб кьейилан.
Рачlа нуж нижехъе гьоболлъухъ щвезе,
Гьабулеб бихьизе, бицунеб лъазе.
Хъулухъ-къиматалъе къачlан руго ниж,
Къойил рачlаниги гьалбадерие!
magomedia.ru
Мелъельтlа росу
© Copyright: Гаджияв Гаджиев, 2013
Свидетельство о публикации №113052904153
Свидетельство о публикации №113052904153
Рецензии