Ви акунар - гатфар мили,
КIичIе я заз, къада вили…
Ви пIузарар - шербет верци,
Тамарзу я вилерихъ ви.
Ви кьатIунар гьикьван хци -
Гьейранарда ширин меци.
Вун авачиз - шегьер ичIи,
Дараматар гьикьван гъвечIи…
Вун рикIеваз - дуьздуь кьечIи,
Вилера зи иер - кIвечIи.
Вун авачиз - йикъар мичIи,
Зи багъатдин бегьер пичIи...
Вун галачиз нурар серин,
РикI перишан - хиял дерин.
Уьмуьр фани – дад кумачиз…
Низ чидатIа, я заз вучиз?
Ви акунар
© Copyright: Билал Адилов, 2013
Свидетельство о публикации №113052807025
Свидетельство о публикации №113052807025
Рецензии
