ЦохIо ккураб гIумро гIурчма гъветI гуреб,
Цойги батIаялда букIунаребин.
Кидаго цо хIалалъ чиги толарин,
ТалихI къарал гурел къороллъуларин.
Къоролзабийилан нуж гаргадуге,
Къиматалда чIчIарал къоролалги лъикI.
Къулизе росазул бутIрулги гьарун,
КъватIазда сверулел гIолилаздаса.
Нуж кин кIалъаниги къоролзабаца,
Жидерго къаркъала къамартIго ккола.
Къадарал шиназул рагIи хIехьола.
ХIухь къотIун рукIине сабурги гIола.
Дида кIочонаро чIухIараб кьибил,
Кьолбода тIанкI лъечIеб дирго гIагарлъи.
ГIун вачIунев вугев дирго тIулил вац.
ТIагъур борхун лъурав хирияв эмен.
Къоролай
© Copyright: Аминат Максудова, 2013
Свидетельство о публикации №113052502350
Свидетельство о публикации №113052502350
Рецензии