Кемане
Кеманенинъ теллери бошады,
Неге меним омюрим ошады?
Де тына, де чала хош нагъмелер,
Де дертке урула шу эзгилер.
Кемане яйы къыра теллерни,
Насыл даянмакъ кескин еллерни?
Ошап къалды омюрим курешке,
Нафиле мен узанам кунешке.
О сёнди... Артыкъ къыздырмай мени,
Шенъ парылдамай ве севмей мени.
Мавы кокке учкъанда гонъюлим,
Анда расткеле азап ве олюм…
Не сустынъ меним назик кеманем?
Кечерми экен бу кедер ве элем?
Янармы чыракъ уфакъ эвинъде?
Олурмы дюнья сенинъ элинъде?
Август 1, 2007 с.
© Copyright: Эльмара Мустафа, 2013
Свидетельство о публикации №113052306924
Свидетельство о публикации №113052306924
Рецензии