Татарлыгъым

центон

Татарлыгъым, тувгъан ерим,
Балалыкътан сюемен. (1)
Эгер умютлеринъ кессенъ
Къара дувакъ киемен.

Юрегимни къашкъыр киби
Кемиргенде явурлар,
Бейининъе, кечмишинъе
Къол ургъанда обурлар,(2)

Къабирлерден тотлу мыхдай
Саврулгъанда башташлар.(2)
Дюльбер, эля козьлеринъден
Тёкюльгенде козьяшлар.

Чакъсын явур иллет киби,
Кульсин атта диндашлар.
Тикленмесек миллет киби
Биз гъайыпмыз, юртдашлар. (3)

Татарлыгъым, тувгъан ерим,
Джан юректен сюемен.
Азап чеккенинъни корьсем,
Джылай-джана куемен. (1)

Айлар кече, йыллар кече,
Яшайышлар тюзельмей.
Душман душманлыгъын эте,
Нефретини гизлемей. (4)

Азиз Къырым кельдинъ энди
Миллионлыкъ яшынъа.
Айтчы, нелер келир даа
Сенинъ гъарип башынъа?! (5)

Июнь 26, 2007 с.


1 Шевкъий Бекторе. «Татарлыгъым»; «Татарлыгъым», 21-нджи саифе.
2 Юнус Къандым. «Умют йипи»; «Нелер кельди акъылынъа, Къырымым?», 51-нджи саифе.
3 Шукри Аппазов. «Ёлдасынъ, керваным»; «Етти хорлукъ, зулум, зульмет...», 8-нджи саифе.
4 Рустем Муедин. «Йылдыз» меджмуасы, 2005 с., № 2»; «Йылнаме
дестаны. Къырымнынъ икяеси», 72—75-нджи саифелер.
5 Рустем Муедин «Йылдыз» меджмуасы, 2005 с., № 1»; «Йылнаме дестаны.
Ватан», 71—72-нджи саифелер.