Болтонобор

Ойдуубун -
Намыын салгын кууhарын,
Уут туман алааска;
Сурэ5им онтон уулларын
Сииктээх дьикти сылааска;
Соруун намчы уу суругун,
Кунуску куйаас чааhыгар;
Тургэн суотуолээhин тумугун
Куох урэх итии тааhыгар.

Таптыыбын, Болтоном, эйиигин!
Олох хаhан да умнубаппын -
О5о сааhым сырдык кэрчигин
Эн туона5ар атаарбыппын.

Ойдуубун -
Суорат аhыы амтанын
Киэhэ утуйуох иннинэ;
Ча5ылхан чыпчал сырдыгын
Быстах соhуччу этиннэ;
Эбэ Чуорайта урдугэр
Сибэккилии суурэ сылдьарбын;
Кэбиhиилээх от кулугэр
Оонньооммун сылайан сытарбын.

Ойдуубун -
Харбачай манчаары отун
Киэhэ сытын э5ирийэрбин;
Харбала урдугэр дьиэ уотун
Айаннаан иhэн косторун куутэрбин;
Таатта урэ5им аттыгар
Лууктуу илин барарбын;
Нуучча5а ыраах баралларыгар
Барсаары олус сайыhарбын.

Чурапчы кэрэ дэриэбинэтэ,
Куох ийэ сирим - Болтоно.
Туругура тур диэм этэ,
Буолумаар норуот номо5о.

(c)17.06.11
Комментарий: Произведение написано на якутском языке.