Бахтсузвал атана чал дили яз,
Чи муьгьуьббат чавай яргъаз къакъатна.
Зи ашкъидин цуьквед винел
къати яз,
Ви накъварин терс стlалар аватна.
Дидед вичин хур,мет гатаз шехьзава,
Вун рикlевай зун пашмандиз акурла.
Мерд Зари,багъри элди
негьзава.
Яр зи патав, хъуьрез,рахаз
такурла.
Пуд гьафте я,чун чав рахун тавуна,
Хура авай жегьил рикl пад
жезва зи.
Пуд гьафте я,чун чаз ерли такуна,
Хажалатди жегьил тир чан незва
зи.
Гатун чими йифериз вун рикlеваз,
Кlвачер кlватl
пенжердал.
Чна санал ягъай шикил гъилеваз,
Ягъайтlани за манияр
чуьнгуьрдал,
Сугъулвал зи рикlяй зерре катзавач.
Мад хквезва вун рикlеваз фикирдал,
Шад легьзеяр гьич зи чанда гьатзавач.
Вун рикlеваз-рикlин гьал
© Copyright: Владик Батманов, 2013
Свидетельство о публикации №113021412417
Свидетельство о публикации №113021412417
Рецензии