(Шалбуз дагъда кхьей шиир)
Садакьаяр суфрайрик кваз,
Рик1е михьи ният аваз,
Зи сад лагьай ктабни гваз
Мугьман хьана Шалбуз
дагъдиз.
Мецел алгьем,къулгьу алаз,
Вафалу тир дустар галаз
Шиир кхьир чар,къелем гваз,
Мугьман хьана Шалбуз
дагъдиз.
Иблис,шейт1ан лап негь ийиз,
Рик1евай мурад т1алабиз,
Абуземзем паклу яд гъиз,
Мугьман хьана Шалбуз
дагъдиз.
Гуьзел сес гвай къушар авай,
Шейхерин лап п1ирар авай,
Фирдоусдиз ухшар авай,
Мугьман хьана Шалбуз
дагъдиз.
Куьмек жервал АЛЛАГЬдикай,
Пак хьун патал гунагьрикай,
Пай къведайвай женнетдикай,
Мугьман хьухь куьн Шалбуз
дагъдиз.
Мугьман хьана Шалбуз дагъдиз
© Copyright: Владик Батманов, 2013
Свидетельство о публикации №113021412412
Свидетельство о публикации №113021412412
Рецензии