Пенси вахчуз гьар сефер физ,
Къуншид гъенел хъваз йифиз,
Экуьн кьиляй хтана к1вализ
Гьикьван вуна паб гатада?
Руфунаваз ичкидин пар,
Аялрални гьалчиз капар.
Цларалай хаз багьа къапар
Гьикьван вуна къапар хада?
<<Эсер>>авач гьич са к1ус ваз!
Эл хъуьрезва килигиз чаз.
Йифиз гъенел аялар гваз,
Гьикьван к1валяй паб ахъудда?
Зегьер ички жибиндаваз,
Хкведа к1вализ вун тади кваз.
Эгьли-аял гишилаваз,
Гьикьван вуна эрекь хъвада?
Гьикьван вуна?
© Copyright: Владик Батманов, 2013
Свидетельство о публикации №113021411992
Свидетельство о публикации №113021411992
Рецензии