Зи гуьруьшдиз яр нагъв алаз атайла,
Ялгъузвили бирдан вичел чlугуна.
Накъвар алаз,шехьиз яр зав рахайла,
Хажалатди зи рикlе муг авуна.
Вилерал мичl акьалтна зи мидаим,
Чара хьуниз мажбур жезва лагьайла.
Дердерикай юлдаш хьана заз даим,
Жегьилзамаз ашкъиди рикl кайила.
АЛЛАГЬдиз за ялварзава йифериз.
Чна санал ягъай шикил гъилеваз,
Килигзава,зун чун къекъвей гуьнейриз.
Санал хьайи ихтилатар рикlеваз,
Гьар вун рикlел хтайла зи йифериз,
Шиир,гъезел рикlин къене шехьзава.
Ви назик сес тахьайла зи япариз
Илгьамди зун къванер гьалчиз нехьзава.
Бахтсуз муьгьуьббат
© Copyright: Владик Батманов, 2013
Свидетельство о публикации №113021306651
Свидетельство о публикации №113021306651
Рецензии