Тажир ими кьейила

Тажир ими кьейила.
 
(Кьейила зун хутах ая
Ватандал)  Тажир Визиров
 
Цlийи йис жез са югъ амаз
Атана чал чlулав хабар.
Агь,кана хьи чун кьеж кумаз
Хъфенач гьич гъиляй са кар
 
Къазахстанда ава ими
Агь,регьметдиз вич фенвалда.
Хайи хуьруьз вичин хци,
Хкиз изят рекьевалда.
 
Чал атай и хабарди
Къалин авун дердер-гъамар,
Пlузарар кьуна къабарди,
Зарул я чун-Батмановар.
 
Тажир ими на икьван фад,
И дуьнья лагь,куьз ахъайна.?
Вахъ шехьзава къе чун гьар
сад,
Ажалдиз на куьз "гьарайна"?
 
Кватl хьанва эл Демир кlвале,
Вал вил алаз акъвазнава.
Къе вун хкиз ава рекье,
Виридан вил вал алазва.
 
Чи акьрабар гьар сад санал,
Кьиле куьрсна ацукьнава.
Гагь- гагь гьалчиз гъутар
хурал,
Рикlел хкиз амукьнава.
 
Сятдин цlикьвед. Йифен кьулар.
Газелдаваз ими хкан.
Дишегьлийри чухваз чlарар,
Гьарай ийиз туна лап ван.
 
Акъатна йиф. Югъ атана,
Пашмандиз эл кlватl жезва.
Кучукдай вахт кьатlана,
Чи махлукьат къвез хъфизва.
 
Сятдин кьведаз кlвалахзава,
Итимар кlватl жезва гъенел.
Кьве жегьилди мяфе гъана,
Эцигна хьи Демир къецел.
 
Сятдин кьвед. Мукьва кьилияр,
Хкаж хьана хьи айвандик.
Гуьгъуьн аваз дишегьлияр,
Авудн ими кваз гамуник.
 
"Макан хьуй ваз пак бахчеда"-
Дишегьлияр ава лугьуз.
Эцигн мейит къай мяфеда,
Гьатна рекье сурал тухуз.
 
Агь,вахари тунвай тlурфан,
Гьарай ийиз чlарар чухваз.
Кьуд патахъди чукуриз ван
Гъутар гьалчиз хур,мет гатаз.
 
Стха галачир вах-дуьньядал,
Ирид ракlар кьулухъ гала.
Ацукьна хьиз яс гуьгьуьлдал,
Хажалатдин жеда чlала.