Азизди...
Зи дустарри ат1удайла лакьан
заз,
Сурун каца на вахчумир
азизди.
Сурун накьвар чук1уриз на
гьар патаз,
Ксар инжиклу на
ийимир,азизди.
Зи гъенел ваз акурла ксар
к1ват1 хьанвай,
Килиг гьа,на вун
кук1вармир,азизди.
Акурла ваз кьулар зи халкь
ацукьдай,
К1вач эцягъиз на
чук1урмир,азизди.
Зи юлдашри чуьхуьдайла
беден зи,
Вил бахдаллаз зун
чухвамир,азизди.
Багъри элди тухудайла беден
зи,
Гьарайиз на киф
ат1умир,азизди.
Зи халуйри авудайла суруз
зун,
Абрун далу на гатамир,азизди.
Акъвазна зи сурун кьилихъ
шехьиз вун,
Сурун винел нагъв вегьемир
азизди.
Азизди
© Copyright: Владик Батманов, 2013
Свидетельство о публикации №113021306204
Свидетельство о публикации №113021306204
Рецензии