Ш. деж
ХьэчимыжькIэ уеджэм къоуэу,
Дэ ди къуажэм лIыжь дэсащ,
А тхьэмыщкIэр къалъхури делэу,
Апхуэдабзэуи лIэжащ…
А хъарыпым дуней хьэхум,
Сыт гуэныхьуи къыщихьынт,
И акъылыр зэтемысым,
Хэти лейу ар щIэнакIэнт?!
Къыхуэгъун абы ищIакъым,
Хейу дунейм ар ехыжащ,
Ауэ зыми «хэIэбакъым»
КIуэ къещам, тIэкIу лъэIэсащ.
ГъэщIэгъуэнкъым шхэу щытами,
Ар гъеитIым хиубыдат,
ЦIыкIуу и анэр лъхуэм илIыкIри,
Сабий закъуэу ар къэхъуат.
Тэмакъ кIэщIу щыта дадэр,
Хьэблэм дэсхэм я гъэфIэнт,
ФIы тегъуатэу къагьуэтауэ
IэфI зыпщэфIым и гъэшхэнт.
Хьэчим и щхьэм дерт иIами,
Зыми игу зригъэбгакъым,
Сэбэп хъуфу щамытами,
И зэран зэкIэ щыIакъым.
Нобэ соплъри дунейм,
Уэ къысхуотIыр кууэ мащэ,
Ягъэ кIынтекъым щIэпчам,
Удэплъейрэ уицIэдхэгъум.
Октябрь 1979 г.
***
© Copyright: Абубакир Жемухов, 2013
Свидетельство о публикации №113012611651
Свидетельство о публикации №113012611651
Рецензии