ГъащIэ гьуэгуанэр автобанкъым,
Ухигъэгъуазэу теткъым знак,
Зыхуейр мыупщIэу къыдепэсыр,
Делэу зыбгъэIуми-кьыпфIэмыкI?
Хьэуазэ пыпхъуэр инми – цIыкIуми,
Ежэнти цIыхухэм къырачынт,
ЯщIау щытамэ щыджэдлэнур,
ГьащIэ гъуэгуанэм тез ящIынт.
Дуней щIэщIыIур зи инагъым,
Гъуэгу нэшэкъашэ и мелуанщ,
Дэни уокIуэфыр ахъшэ, уиIэм,
Ахъшэ уимыIэм ухьеуанщ?...
ХьэмкIэу дырожэр гъащIэ гьуэгум,
Iэдакьэ жьауэ сщIау сыпхопль,
Зыр-зым и лъэгум дыщIэзгъаплъэм,
ИIыгъыу щIопщ къысхуэмылъагъу.
ГъащIэ гъуэгуанэр кIыхьми-кIэщIми,
Сызэрыхуейу къескъутэкIащ,
Совет Союзым сыкъыщалъхури,
Дунейм тIыуащIэу гу щысхуащ!
Мы дуней тхъэгьуэр сиIау щытми,
Зэгуэр хьэдрыхэм сыкIуэжынущ,
ЩIыр мылгъурыджэу зэщIэщтами,
СхуэфIыпсыу мащэ къысхуатIынущ...
ФIэкIыгъуей
© Copyright: Абубакир Жемухов, 2013
Свидетельство о публикации №113012211635
Свидетельство о публикации №113012211635
Рецензии