Якая сёння прыгажосць –
вачам і сэрцу – асалода!
Напэўна, гэта рай і ёсць –
раскоша, Божая лагода.
Вакол іскрыцца, ззяе снег
трымценнем зорных аплікацый.
Здаецца, так бы цэлы век
стаяць і ціха любавацца:
маліцца ўзнёсла на абшар,
чмурэць ад срэбраных карункаў,
пад вяззю шатаў, нібы ў дар,
прымаць марозу пацалункі,
глядзець, як сонца лашчыць лёд
абжыушых дахі сталакцітаў,
і прагна піць паветра мёд,
зіміцай-матухнай наліты.
Якая сёння прыгажосць!
© Copyright: Демьянова Татьяна Дмитриевна, 2013
Свидетельство о публикации №113011507725
Свидетельство о публикации №113011507725
Рецензии