Омюр — бу дженк дегиль, омюр — залым оюн,
Кок къушагъын ёллар я да шайтан тоюн…
Бу тек санъа багълы, сенинъ алеминъе,
Сенинъ сёнип-сёнмез ички алевинъе!
Лякин такъдириме къаршы чыкътым аман,
Баш эгмедим онъа. Кечер деп бу заман.
Терен юкъулардан уяндырдым бахтны,
Кенди эллериме алдым юдже тахтны.
Къар боранлар ичинде гуль киби ачтым,
Кельгенге, кечкенге нурларымны сачтым,
Къара дертни беяз къуванч иле урдым,
Юз кере йыкъылдым, юз бир кере турдым.
Биль, эр хасталыкънынъ кенди иляджы бар,
Базан хаял кучюнден йыкъыла дивар.
Амма онъа сабыр, къавий ишанч керек,
Чюнки тек ярыкътан осип чыкъа терек!
Ноябрь 23, 2012 с.
Терек
© Copyright: Эльмара Мустафа, 2012
Свидетельство о публикации №112112510693
Свидетельство о публикации №112112510693
Рецензии