Дзяўчыны плятуць вянкi –
На справу, не на пацеху -
I, сыплючы срэбра смеху,
Спускаюцца да ракi.
А дзесьцi квiтнее папараць.
I вогнiшча – да нябёс,
Вышэй за вяршынi сосен.
Зiхоткi струмень у косах…
- Каханая, гэта – лёс!
Купалле. Квiтнее папараць.
- Каханы, не абяцай!
- Каханая, я нiколi…
- У гэтым вясёлым коле
Мяне адшукай, пазнай!
Ты верыш – квiтнее папараць!?
- Каханая, назаўжды…
- Не трэба! Маўчы! Не трэба!
…Шыпшына пад зорным небам
Схiлiлася да вады…
Ты чуеш - квiтнее папараць!
- Каханая, пачакай!
- Дагонiш, калi жадаеш!
…Шумiць, шапацiць – вiтае
Васкова-бялёсы гай,
Дзе, бачыш – квiтнее папараць.
-Каханая… - Гарачэй
Паветра стучыцца у грудзi…
Блакiтныя зоркi блудзяць
У люстэрках яе вачэй.
…А побач квiтнее папараць…
07.09.2011г.
Купальская ноч
© Copyright: Татьяна Шеина, 2012
Свидетельство о публикации №112110101047
Свидетельство о публикации №112110101047
Рецензии
На это произведение написано 5 рецензий, здесь отображается последняя, остальные - в полном списке.