Рик1ин т1ал

Гьарай эллер, гьарай, гьарай!       
Т1азва зи рикI, шезва зи рикI,       
Пад жезва рикI! Бес гьикI хьуй,гьикI?       
И чи пата, хуьре къунши,       
(Галатнач гъил) Хайи хци,       
Кьенва вичин диде хайи!!!...       
Гьарай эллер, гьарай, гьарай!       
Шезва зи рикI, пад жезва рикI!       
               
Эй инсанар! Гъвеч1и, ч1ехи, 
Вуч лугьузва квез куь рикIи?               
Гьинихъ физва бес чун вири?       
Мана-метлеб уьмуьрдин чи...?     
Чилер, кIвалер, вири девлет       
Туна фида инсан,гьелбет.       
А хаиндиз вичин къимет,       
Чир хьуй тирди халкьдин лянет!!!...     

Гьа и йисан са кьве вацра     
Сада-буба, бубади - хва,     
Итимди паб, итим-папа...     
РикI къарсурдай и хабаррихъ     
Аквазва чун жезва вердиш.     
Амачни чахъ ЛЕЗГИ НАМУС? 
КвадарнатIа чна ам мус?               
Гьиниз фида жаваб къачуз???

Къе жегьилар пайи-паяр
Айиз, гьалдариз чеб-чпел,
Гьайиф тушни чигит чанар,
Ягъиз рекьиз таяр-таяр?
Гьарам пулдихъ, анашайрихъ
Маса гузва хизанни кIвал,
Чизвач абруз, а авамриз,
Ватанни кваз къакъуддай чIал!


НИЗАМ, ГЬУЬРМЕТ, ХАТУР, НАМУС
Гафар ван къвезмач чи япуз
Пулар, пулар, мадни пулар…
Хьанва гьардан рикIин дидар.
Амма виже къведайн мегер
Тербия гуз тахьун рикIел?...
Гузва къе гъалатIри "бегьер"
Агьузардик кутазвай эл.

Ша дидеяр, жегьил,кьуьзуь!
ЭкъечIин майдандиз вири!
Алчахар чаз текъвен гьайиф,
Кьегьаларин ийин тариф.
Эгер чи тIалдикай хабар
Такьурт1а чун я тахсиркар
Сад ийин чи дидейрин гаф     
Адахъ ава къуват гзаф!
                2010