Вун галачир дуьнядикай вучда за,
Къефес хьтин, цларивди чуькьуьзвай?
Вун авачир уьмуьр я кьван са жаза-
ЛипI-липIдаллай чирагъ хьана туьхъуьзвай.
Вун рикIеваз, дердер туна цIарара,
Алахъна зун,са тIимил пар алудиз,
Амма залум кьисметди таз кIарара
Азаб гана, хирерин кар алудиз.
Зи машгъулат хьана вакай хиялин,-
Яргъарилай бахтаварвал тIалабиз,
Залан я гьикI чаравилин гъам ялин,
РикIиз вучин, ахъатзавай гъалапIиз?
Вакай хабар атана заз мукьвара,
Байихри мад лепе гана зи чанда:
Куьч хуьухь иниз, ахпа лап зун кIукIвара,
Гьич тахьайтIа, хьурай чун са маканда…
28.03.11
Вун галачир дуьнядикай вучда за...
© Copyright: Билал Адилов, 2012
Свидетельство о публикации №112102107392
Свидетельство о публикации №112102107392
Рецензии
