Михо зорх теркаю къаьгача сигале,
Боргlа бозмаст хинна ловза буне.
Бос биа пхьегlаш ювла гуча ингале,
Гуйра хьаж тувсош хувцалу дуне.
Чамош-мерзош ма мела аз дарбахий.
Дега чу тоачув лув, лайчилла молх.
Бордий ала хинна хувцаденнад даьрен сий,
Гуйрено мустаяьй кхийна шолх.
Хьаьша хинна латт беша са маьлхара,
Моажа-цlе ювргlа тесса цу лаьтта.
Укх мехка хьоцара уврч хиннаб хьалхара,
Бакъда, тайра хьа бlарг соца атта.
Михо зорх теркаю къаьгача сигале,
Боргlа бозмаст хинна ловза буне.
Бос биа пхьегlаш ювла гуча ингале,
Гуйра хьаж тувсош хувцалу дуне.
Гlермане, 27. Моажала бетта 2012 шу
Гуйрен уврч
© Copyright: Микаил Сапралиев, 2012
Свидетельство о публикации №112092800377
Свидетельство о публикации №112092800377
Рецензии