Ма байра укх гуйра дошо хинна бос,
Ма йиссайац керта тlа дийна цхьа мос.
Миска белхаш бийсане бувбаьнна бутт,
Мистаденна латташ вай безаман мутт.
Сиха кхестайеннай вай дунен соа,
Синош lамад кара, лелаш да коа.
Къонахчун совле ка а теха йа хьош,
Во мел доа тlехьа тlа хьежадеш дош.
Зирако човхайаьй сигале сийна.
Къувкъаденнад дуне унзаро дийна.
Ала баьнна безаман цlы лотайенна,
Гуйран гlа гуладеш уйла лув тенна.
Чурапхаьнаш доагадаьд безамо къиза,
Мерза гlа даьккхар футтаройна сиза.
lанна гlор латт тахан дега чу аьра.
Дувл къемат ле, дувнаш доах къаьра.
Гlермане, 25. Моажала бетта 2012 шу
Байра укх гуйра дошо бос
© Copyright: Микаил Сапралиев, 2012
Свидетельство о публикации №112092500431
Свидетельство о публикации №112092500431
Рецензии