Хьаргlа мо файтон къайлайоалаш,
Къайладаргда, аз даьха дог.
Бакъ лийнаб. Нийса хиннад оалаш.
Рузкъа карлаьца баккха ког.
Бlаргашка хьеж чу, наьха везар.
Коа ийккхай цун ялсмале.
lех къайгаш са дега тlа езар.
lемаб безам духьале е.
Догдоахилга са бlарзадаьха,
Эхь доацаш лайзар, хьо дуне.
Бlаргашка хьеж са тахан наьха,
Мекъа lуйре, моажа буне.
Файтон хьаргlа мо къайлайоалаш.
Къайладаргда, аз даьха са.
Лийнаб бакъ. Хиннад нийса оалаш.
Гаьннара безам — йоархlий га.
Гlермане, 03. Моажола бетта 2012 шу
Аз даьха дог
© Copyright: Микаил Сапралиев, 2012
Свидетельство о публикации №112090301037
Свидетельство о публикации №112090301037
Рецензии