Дуьз са йис я, ингье заз вун такуна,
Эгейдин гьуьл, гьикьван я рик1 вахъ дарих!
Эхь, гила зун мад гъавурда акьуна:
Ви кьерера чуьнуьх хьанва зи тарих…
ТахьайтIа лагь, вучиз я заз вун кIани,
Лап чи Шагьдин рехивал квай кукIвар хьиз?
Япарава, йис акъатна, ви мани,
Мили я вун заз, лекьерин мукар хьиз?
Лугьузавай, уьцIуьбур я ви ятар,
Бес заз вучиз шербетдилай ширин я?
Вун рикIеваз саф жезава ниятар,
Гатун юкъуз тек ви патав серин я!
Тух жедач хьи ви лепейрин ванцикай,
Рапрапзавай, вацран эквер акьурла,
Заз хъуьцуьган хьана кьерен къванцикай -
Ксуз женни ви иервал акурла?
Эхь, залан я амма вавай къакъатун,
Ч1ав атанва, хъфизва зун ватандиз,
Мад кIанда хьи, багъридив хьиз агатун-
Давудан руьгь къекеъвезавай макандив!
Эгейдин гьуьл
© Copyright: Билал Адилов, 2012
Свидетельство о публикации №112071806860
Свидетельство о публикации №112071806860
Рецензии