***

  Кьве балк1андин дуствиликай
           (гьикая)
  (Уьмуьрда хьайи са вакъиадиз)

Са вахтара кьуьзуь балк1ан ник1евай
Хам балк1андихъ галаз к1еви дустар тир.
Чидай адаз ихтилитар вижевай,
Рахаз-хъуьрез ам лап ч1ехи уст1ар тир.

"Иесиди"тавун патал туьгьметар
Авай адахъ герек къилих,хесетар.
Вахт-вахтунда ахъайдайвал суьрсетар
Ялдай парар,гьич ч1урдачир "адетар".

Гьазур тир ам къуллугъ ийиз къуватдиз
Шумуд "халу" а пурарал акьахна?
Къуллугъзава мад "халуйриз" нубатдин
Гила пурур куьгьне ят1ан акъахна.

Акурла ам ухшар авай балк1андиз
Къатирдинбур хьиз аквадай къилихар:
Вучиз ят1ан ада к1анзни-так1андиз
Гагь балк1анди, гагь ламра хьиз ядай ар.

Шумудан вун хьайиди я парахда,
Шумудан пар кьезил ийиз алакъна?
Ваз бажарагъ ганавачни аллагьди,
Вучиз вун чирк къизил ийиз алахъда?

Хам балк1анди кьабулдачир кьенерар,
Гьелбет адал гьализ хьанач пурарни,
Акьахиз тач ада вичин къуьнерал,
Азад чуьллер к1ан я адаз ч1урарни.

Хам дустуниз ада ик1а лугьудай:
"Зи т1вет1ер на, за яда ви т1вет1ерни..."
Къекъведай кьван гьекь акъатдай далудай,
Рахадай кьван ифедай лап туьтерни.

Ван авурла мухав ац1ай курари
К1евиз кьуна кьенер кьуьзуь сарарив,
Къвал чуькьвейла иесиди пурарин,
Вичин хам дуст яна ада к1урари.

Хам балк1анди туба (а)вуна к1евелай
Дустар кьунал са рекьеваз фин тийир,
Акурла вахъ рахаз ширин мецелай,
Амма вичин рик1евайди чин тийир.


Рецензии
Перечитываю эти стихи уже который раз) Очень хорошо написано и смысл произведения интереснейший.

Эльвира 4   27.03.2013 16:07     Заявить о нарушении