«ХIай, беттан серло, беттан серло», –
Ширъелла романс дагалоьцу.
Берриге хьох дIауьду, херло.
Массара свето-музыка лоьху.
ХIай, беттан серло, беттан серло!
Модера яьлла, цхьалха йисна.
Сан нанас кхерчахь йина сискал,
Хьо санна, миска ю-кха, миска.
ХIай беттан серло, беттан серло,
Безам а, хьох дIабедда, байна –
Хьоьгахь ца гина цунна пайда.
Квартирехь цунна меттиг тайна.
ХIай, беттан серло, беттан серло,
Хьан гIайгIа суна дика евза:
АтталгIа кIеза – берзан кIеза,
Дац хIинца хьуна угIа реза.
ХIай, беттан серло, беттан серло,
Берриге хIинца хьох дIахерло,
Амма ас доьху: хьо ма гIелло –
Ширделларг мацца хир ду керла.
ХIай, беттан серло, беттан серло,
Со цхьаъ ву хьоьца. Аса хьоьца
Ширъелла романс дагалоьцу:
«ХIай, беттан серло, беттан серло...»
1985
Беттан серло
© Copyright: Шарип Цуруев, 2012
Свидетельство о публикации №112011909693
Свидетельство о публикации №112011909693
Рецензии
Х1у хир ду беттан серлонал хаза?
Малх санна, Дала кхоьлли бутт беза.
Ширделла довр ду модера даьлларг,
И серло-м 1енар ю бус-буса лаьтта.
Бехк ма биллалахь, Шарип, экспромт кхоллаяларна!
Х1ара хьан болх хаза хетар бахьана хир ду-кха!
Дала аьтту бойла хьан хьайн кхоллараллехь.
Ларамца. Азман.
Аза Атагинская 10.12.2013 20:56 • Заявить о нарушении
Малх санна, Дала кхоьлли бутт беза.
Ширделла довр ду модера даьлларг,
И серло-м 1енар ю бус-буса лаьтта.
Бехк ма биллалахь, Шарип, экспромт кхоллаяларна!
Х1ара хьан болх хаза хетар бахьана хир ду-кха!
Дала аьтту бойла хьан хьайн кхоллараллехь.
Ларамца. Азман.
Аза Атагинская 10.12.2013 20:56 • Заявить о нарушении
На это произведение написаны 2 рецензии, здесь отображается последняя, остальные - в полном списке.