Што такое свабода?
Для кагосьці – магчымасць
Уцячы ад галечы,
Праўду мовіць услых,
Для кагось – асалода
Ўбачыць сонца вачыма,
Перамогшы цямрэчу –
Несвабоду сляпых.
Аднаму гэта – воля
Для блукання па свеце :
Уздымацца ў нябёсы,
Па зямліцы хадзіць.
А другому – ад болю
Ачуняць і прыкмеціць:
Як салодка й дзівосна -
Проста дыхаць і жыць.
Што такое свабода?
Грошы? Слава? Ці ўлада?
Адпачыць на Канарах?
Загараць негліжэ?
Ці пад сцягам свабоды
Гарадзіць барыкады?
Ці таміцца на нарах?
Ці сыйсці да бамжэй?
Знак свабоды – што гэта?
Вось адказу караты:
Не, не ўскрытыя вены,
Не зацяжкі вузлоў –
А дымок цыгарэты
І глыточак гарбаты…
І - ні кратаў, ні сценаў,
Ні ярма ланцугоў…
Паэтычная старонка Таццяны Дзям'янавай www.lightynna.ru
Што такое свабода?
© Copyright: Демьянова Татьяна Дмитриевна, 2011
Свидетельство о публикации №111121510035
Свидетельство о публикации №111121510035
Рецензии