(Диляра Махмудова иджра эткен йыр)
Инджилернен тёкюльген бу гедже коклер,
Ай иле ойнап юре назик мелеклер.
Къар данелери уча, акъреплер чапа,
Ана-мына дегендже он эки чалар…
Тылсымлы масал киби янъы йыл келер,
Бир янъы эсер язып, эскисин силер.
Насыл тез ве бельгисиз денъише такъдир,
Саниелер де айта: "Учь, эки ве бир…"
Багълама:
Янъы йыл янъы изнен дюньягъа кельди,
Янъы йыл бизге янъы бахт алып кельди.
Юреклер бир саф севги, къуванчнен толсун!
Достларым, янъы йыл хайырлы олсун!
Бу муджизели гедже йылдызлар яна,
Бу гедже бахт парчасын багъышлай санъа
Азбарда — къар боранлар, гонъюльде — байрам,
Бакъынъыз бу этрафкъа, не гузель заман!
Багълама.
Сентябрь, 2010 с.
Янъы йыл хайырлы олсун!
© Copyright: Эльмара Мустафа, 2011
Свидетельство о публикации №111121209997
Свидетельство о публикации №111121209997
Рецензии