ХIай бIаьсте! Хьоьца ву гуттар а,
Ца ло хьох сан кийра буза.
Хьо суна нур сирла бутт бара
Кхоьлинчу ойланийн буса.
Къарбала кечбелча сатийсам,
Я тишлуш сан дегайовхо,
Цу къинах со вира ахь лийча,
Ахь тиларх ларвира новкъахь.
Цундела ас баьхна: «Марша я!»
Гурахь а кхайкхина хьоьга,
Ткъа зама, сан зама, – маржа-яI! –
Соьга ца хоьттуш, дIайоьду.
Сан ирсан сахьташ а ду генахь,
Ас хIунда кхойкху хьоь тIаккха?
Цхьа де бен ца даккхахь дуьненахь,
Лаьа-кха и хьоьца даккха.
БIаьсте
© Copyright: Шарип Цуруев, 2011
Свидетельство о публикации №111120603504
Свидетельство о публикации №111120603504
Рецензии