ПетIамат зезаг а, даьллехь и хеназа,
КIур байна цIе санна, довр ду-кха дарцехь.
Хеназчу безамо вити со декъаза,
Стиглане кхевдина сан ойла харцош.
Дуьне ца хеттера суна сел инзаре,
Йиш хилча вайн дуьне туьйранах тардан:
Мацах цкъа къийсина элан йоI ГIизларехь
Хьо хилча, хьан йоккху тIаккха гур дара-кх.
Лаамаш мерцина, деган суйх ша бина,
Вехар ву, хьан новкъахь ца хуьлуш очакх.
Хуур ду, хуур ду кхул тIаьхьа Шарипна
Дикано вуьтуш а хиллий стаг вочохь.
Сатийсарш, сатийсарш – къоркхокхийн тобанаш
Со цхьалха витина, дIаяхна хIинца.
Сайн синан лазамах яздина могIанаш
Экамчу хьан дагах кхетаза дисна.
ХIара илли кхайкхам бу дагчуьрчу сан аьзнийн,
Аьрхалла цо суна ца юьту хийра. –
ХIун де ас, хIун де ас, ломара Маьлх-Аьзни,
Аьрзунан сайн амал ас муха хийца?!
Маьлха-аьзни
© Copyright: Шарип Цуруев, 2011
Свидетельство о публикации №111120603342
Свидетельство о публикации №111120603342
Рецензии