Сан дахар, стенца аса ала,
Хьо дуста, я тарде-те?
Йийца хьайн 1алашо, дала..?
Г1аддайна хьийза со, нисъйе…
Ойланаш шедаш деш хьерчош,
Тилъяй со ма хьийзае.
Хьайн некъаш хьийзадеш, кхерстош,
Собарах ма майохайе.
Галъяккха ма г1ерта, 1ехош,
Харц новкъа ма ийзайе.
Кханенна, хьайх тешам боцуш,
Хьо хилар ма лечкъаде.
Х1илланах дуьзна хьо дахар,
Х1унда хьо сел дезна-те..
Г1айг1анца мел хала дахарх,
Хьох х1унда тийсало-те.
Маржа-я1, хьан г1ийла, дахар -
Кураллех юьйцина з1е.
Сом кхеташ яц цу хьан амалх,
Йиш яц сан хьох йоккхае.
К1еззиг бен доцу, хьо дахар,
Стенна хьо даздина-те..
Иллешца хестадеш наха,
Айина йоккху хьан ц1е.
Ца кхета со царех, дахар,
Ца лало кху сан даге.
Лааркха хоийла нахан,
Хьо доций, чуьрк т1омал бен!
Дахар
© Copyright: Амнат Мартанхо, 2011
Свидетельство о публикации №111120402906
Свидетельство о публикации №111120402906
Рецензии
Лааркха хоийла нахан,
Хьо доций, чуьрк т1омал бен!
Оцулла а-м дац! Амнат, ахьа х1ара байт дукха дика язйина!
не смогла не выразить свое отношение.
Аза Атагинская 12.08.2013 00:24 • Заявить о нарушении
Хьо доций, чуьрк т1омал бен!
Оцулла а-м дац! Амнат, ахьа х1ара байт дукха дика язйина!
не смогла не выразить свое отношение.
Аза Атагинская 12.08.2013 00:24 • Заявить о нарушении
На это произведение написаны 4 рецензии, здесь отображается последняя, остальные - в полном списке.