Акха яр санна, и ца баьлла бацалахь,
Боьжна бац стиглара, эцна бац базарахь,
Цхьаьнггера юхалург баьккхина бацара –
Кхоьллина хилла и вайн дайшна азаллехь.
Ас лору дуьнен чохь мел долу меттанаш,
Нохчийн мотт – гуттар а сан оьзда дозалла,
Iожаллин цамгаро дIалаьцна, меттахь Iаш,
Цу маттахь дийр ду ас весет а доьзале.
Цу маттахь нанас со дуьххьара хьаьстина,
Цу маттахь некъан дош дадас а кхайкхийна.
Цу матто, – уггаре гергарчу сан сина –
Сан, генахь цхьа висча, дог-ойла айина.
Нохчийн мотт
© Copyright: Шарип Цуруев, 2011
Свидетельство о публикации №111120109970
Свидетельство о публикации №111120109970
Рецензии
Даггара шен ненан мотт безаш хилча, иштта дешнаш яздо!
Баркалла хьуна, Шарип!
Ларамца.Азман.
Аза Атагинская 08.12.2013 22:44 • Заявить о нарушении
Баркалла хьуна, Шарип!
Ларамца.Азман.
Аза Атагинская 08.12.2013 22:44 • Заявить о нарушении