Чимаш хиларх кIеда, хаза,
Iа-м ду буьрса, шийла ша.
Генаш хьедо шайн бертаза
Лайно гIорош, дитташа.
Тхов тIехь, махах лачкъа гIерташ,
Хебна Iа цхьа цхьалха къиг.
Йоккху цхьамма шен ков-кертахь
ГIовгIа, тухий ондда диг.
Лаьттан юьхь тIе и кIайн басар
Хьаькхна Iаьно шийлачу…
Салазаш чухоьхкуш басах
Тхан юьртара бераш ду.
Ло дилланза, Iа ца кхочуш
Меттиг йисина а яц.
Механ коча хьерча коча
Чимийн овгалш. Долу дарц…
Хоттане, 1977 шеран декабрь
Iаьнан сибат
© Copyright: Ибрагим Юсупов, 2011
Свидетельство о публикации №111110610707
Свидетельство о публикации №111110610707
Рецензии