И рече Ангел Ей!

Евангелие от Луки ( 1, 26-38 )

В месяц же шестый послан бысть Ангел Гавриил от Бога во град Галилейский, емуже имя Назарет, к Деве, обрученней мужеви, емуже имя Иосиф, от дому Давидова; и имя Деве Мариам.

И вшед к Ней, Ангел рече: "Радуйся, Благодатная, Господь с Тобою, благословена Ты в женах".

Она же, видевши, смутися от словеси его и помышляше, каково будет целование сие.

И рече Ангел Ей: "Не бойся, Мариам: обрела бо еси благодать у Бога; и се, зачнеши во чреве и родиши Сына, и наречеши имя Ему Иисус. Сей будет велий, и Сын Вышняго наречется: и даст Ему Господь Бог престол Давида, отца Его; и воцарится в дому Иаковли во веки, и Царствию Его не будет конца".

Рече же Мариам ко Ангелу: "Како будет сие, идеже мужа не знаю?"

И отвещав, Ангел рече Ей: "Дух Святый найдет на Тя, и сила Вышняго осенит Тя; темже и Раждаемое Свято наречется Сын Божий. И се Елисавет, южика ( родственница ) Твоя, и та зачат сына в старости своей; и сей месяц шестый есть ей, нарицаемей неплоды: яко не изнеможет у Бога всяк глагол".

Рече же Мариам: "Се, Раба Господня; буди Мне по глаголу твоему".

И отыде от Нея Ангел.

БОГОРОДИЦЕ ДЕВО, РАДУЙСЯ, БЛАГОДАТНАЯ МАРИЕ, ГОСПОДЬ С ТОБОЮ; БЛАГОСЛОВЕНА ТЫ В ЖЕНАХ И БЛАГОСЛОВЕН ПЛОД ЧРЕВА ТВОЕГО, ЯКО СПАСА РОДИЛА ЕСИ ДУШ НАШИХ.

Эту молитву заповедал творить преподобный Серафим Саровский своим дивеевским "сиротам"- сёстрам Серафимо-Дивеевской обители- и всем боголюбивым мирянам, прибегающим к его молитвенной помощи. Великий Старец благословлял ежедневно проходить по Канавке вокруг обители, прочитывая "Богородице Дево, радуйся..." 150 раз. В обители этот наказ преподобного Серафима неукоснительно исполняется и по сей день.

МИЛОСЕРДИЯ ДВЕРИ ОТВЕРЗИ НАМ, БЛАГОСЛОВЕННАЯ БОГОРОДИЦЕ, НАДЕЮЩИИСЯ НА ТЯ ДА НЕ ПОГИБНЕМ, НО ДА ИЗБАВИМСЯ ТОБОЮ ОТ БЕД: ТЫ БО ЕСИ СПАСЕНИЕ РОДА ХРИСТИАНСКОГО.

Теперь, ОСОБЕННО ВАЖНО, молиться Царице Небесной! Когда кругом столько соблазнов, скрытых и явных, наводимых врагом рода человеческого на неопытных и не знающих как защититься людей.