Я нарадзіўся ў сумленнай сям’і,
Ў родных краях беларускай зямлі.
І пад савецка-расейскім прымусам
Рос беларусам.
Першы званок – я у школе за партай
Ў дзенніку лепшых адзнакаў быў варты.
Нават у спорце з паскораным пульсам
Бег беларусам.
Плылі гады. Я ішоў на спатканне
З дзеўчынай мілай, сапраўдным каханнем.
З першым нясмела адпушчаным вусам
Йшоў беларусам.
Вабіла штосьці мяне да навукі -
Стаў вывучаць беларускія гукі.
Ў музыку я закахаўся на курсе.
Граў беларусам.
Дыхаю так напрацягу жыцця -
Рос беларусам і вырас ім я.
Жыць Беларусам!
© Copyright: Маргарита Герасименко, 2011
Свидетельство о публикации №111071900775
Свидетельство о публикации №111071900775
Рецензии
