Са хьамсара нана, хьо еза сона!
Са хьоцара безам бийца яргьяц...
Сай са, сай вахара лургдар аз хьона -
Хьо йоаца вахарца са чам хургбац...
Дукха халонаш лейни 1а тхоца,
Тхо кхеде г1ерташ хала кхийстай...
Дог 1увдаш, сагато южаяьй кер чу,
"Шо духьа" яхаш, бала бицбаь...
Вахара мах кеппигал боацача
Цу наьха 1оттараш б1арг белхабеш,
Хала диад 1а е дуне, нана,
Сийрдача вахарах дог хьегадеш...
Хала да ч1оаг1а укх заман ваха,
Бицбеннаб адама шоай дунен мах...
Даьла вицвенна лелача наха
Ма хала хургда шоай ма1ан лах!
Сай сил дукхаг1а хьо еза, нана!
Хьо йолаш оаха Далла хоастам бу!
Эзара шерашка яхийла, нана!
Хьо йолаш оаха хьона хам бу!
НАНА...
© Copyright: Толдиева Марьям, 2011
Свидетельство о публикации №111042900697
Свидетельство о публикации №111042900697
Рецензии
Наьнах ляца язйя бейтал хозах цхьакхаъ хьам худдац. Баркал хьун,Марьям.Ч1оаг1 хоз хеташ йийшар аз хьа бейтаж. Дал кхи д1ахоъ аьттув боакхалб хьа иштта хоз язди.
Марьям Костоева 28.03.2016 09:00 • Заявить о нарушении
Марьям Костоева 28.03.2016 09:00 • Заявить о нарушении
На это произведение написаны 2 рецензии, здесь отображается последняя, остальные - в полном списке.